Plattdeutsch

Platt:(zum schmunzeln)

• „Kruse Hoor un krusen Sinn un de Düvel sitt dor in“.
• „Kole Feut Un Norden Wind Gift En Krusen Büdel Un En Lütten Pint“.
• „Du kannst di dreihen as du wullt, de Mors blifft alltied achtern“

ich freue mich über weitere Sprüche!

---

Olle Rheen – Von Aorns Gerd

(Orginalfassung)

Woar ik bün ok in mien Läben
Olle Rheen ik denk an die.
Du häs mi voäles gäben,
Wat uk vandoak noch sitt in mi.
Dorüm will ik di nich vergäten,
Solange datt Hatte kloppt in mi.
Olle Rheen dor an de Ämße,
Olle Rheen ik denk an di.

Dor häb ik lopen lehrt un proten,
An Mauders Hand, van Mauders Mund.
Dor denkt de Lüttken und de Groten
Genau as ik, bis up den Grund.
Dor lehrde ik de Hane folgen
Taut Vater unser, gegrüßt Marie,
Olle Rheen dor an de Ämße,
Olle Rheen datt lehrst du mi.

Einfache Lüh, niks upgetookelt,
Die läwet dor, sei protet platt,
Doch seg datt vull,wenn sei mi fraoget:
Büs du uk hier, wo geiht die datt?
Wenn Sehnsucht mi ant Hatte naoget
Gaoh ik nao Rheen, dann frei ik mi.
Olle Rheen dor an de Ämße,
Olle Rheen,dann bünk bi di.

Die Hüser kenn ik un dei Straoten,
In Kark´un Schaule weik bescheid,
Lüh van min öller, kann´k nich laoten,
Gäw ik de Hand, prot wat ik weit.
Doch kenn ik völe junge Mensken
Nicht mehr, dei an mi goht varbi,
Olle Rheen dor an de Ämße,
Olle Rheen, vergäts du mi.

Ant End van Laug, bi de olle Karke,
Dor liegt de Aohnen kolt un still.
Sei ruht dor ut vann all här Warken,
Sei starwet hin nao Gottes Will.
Wenn ik uk bün ant End van Läben,
Nao Bammen Kohl bringt hin uk mi,
Olle Rheen dor an de Ämße,
Olle Rheen, dann häs du mi.

---

---

Teegedicht

Bevör man sick de Tee gütt in,

deit man de Kluntje ünnen drin,

so dat dat knackert und knistert —

giv got acht! 

Un denn mit de Rohmläppel ganz sacht,

lett man de Rohm

in de Tee verschwinnen, 

so dat dat givt 

een Wulkenbildung dor ünnen 

un up de Tee förwor, 

drift een Blöm ganz wunnerbor …. 

…. aus dem „Teegedicht“ von Claudius Wachtendorf

---

De Kolonistenfrao

Fief Uhr upstahn, hen tau melken.

Net de wär, Kinner helpen.

Swienstall utmessen, Fröstück maken,

Tuffeln wasken, Swienepott koken.

Höhner fauern, Tuffeln stampen,

Äten koken, Schop versticken, Bedden maken,

Kind anne Bost, Räd uppumpen, drock noa de Post.

Nätt van Sweet- büs de net wär-do ropt de Kerl: „Äten her!“

Panne up Toafel, Tuffeln stief, kanns nix maken, rinn in’t Lief.

Schöddeln wasken, Obend putzen, mien Kerl, de lich twei Stunnen inne Butzen.

Biggen fauern, Melkdüppen halen, Kälwer fauern un Pacht betalen.

Tuffenl roen, Mess streien, Gräss meihen, dann is’t dreie, de Kerl hojapt un ropp:“Tee!“

---